Цаг Цэг Мн

БНХАУ-ын хөрөнгө оруулалттай манай улсад үйл ажиллагаа явуулж байгаа уул уурхайн компаниудын ажилчид дураар авирлаж дунд чөмгөөрөө жиргэдэг нэгэн гаж тогтолцоо тогтоод байх шиг. Унаж  явсан автомашинаараа хүн дайрч амийг нь бүрэлгэдэг, хүнийг хэл амаар доромжилж дураараа загнадаг байсан бол одоо бүр нутгийн иргэд рүү буу шагайх болсон байна. Тэд энэ сарын 21-ний өдөр Увс аймгийн Өмнөговь суманд хууль бусаар үйл ажиллагаа явуулдаг БНХАУ-ын Жэй-Си-Си-Айр” компанийн үйл ажиллагааг зогсоох зорилгоор нутгийн иргэд тус компанийн байрны гадаа жагсаал зохион байгуултал харуулын албаны ажилтнууд тэдэн рүү буу шагайн танхайрсан талаар сумын нутгийн зөвлөл болоод Орлог Намирын голыг хамгаалах хөдөлгөөн хэвлэлийн бага хурал хийлгэж байсан.

Дээрх зөрчилдөөнийг газар дээр нь үзэж танилцахаар Монгол Улсын сайд, Засгийн газрын хэрэг эрхлэх газрын дарга Ч.Хүрэлбаатар болоод аймгийн Засаг дарга нар яваад иржээ. Ирсэн даруйдаа Засгийн газрын хэрэг эрхлэх газрын дарга БОЯ, МХЕГ, ЭБЭХ-ний сайд нарт албан тоот хүргүүлсэн байна. Энэхүү албан тоотод Өмнөговь суманд үүсээд байгаа нөхцөл байдалд нэн даруй хуулийн дагуу арга хэмжээ авахыг үүрэг болгосон байна.

Б.Билэг           Улаанбаатар таймс

Сэтгэгдэлүүд (2)