“Эрдэнэт” уулын баяжуулах үйлдвэрийн захирал Ч.Ганзориг сүүлийн үед хачин завгүй яваа гэнэ. Аагим халуун зуны нарнаас халгасан хүмүүс хаа сайгүй амарч назгайрч буй энэ үед мань эрийн ийн самгардан хар хөлсөө цувуулан гүйх болсон нь албан тушаалтай нь холбоотой аж.
Хааны алба халаатай, эзний алба ээлжтэй гэдэгчлэн төрийн албыг насаараа хашиж, хувийнх мэт эзэгнэх боломжгүй нь тодорхой. Гэхдээ бялуу хуваалтаас хувь хүртэх шугмаар Засгийн газраас томилогдсон эл хүмүүн юуны учир цаг нь болоогүй учралын төлөө сандарч тэвдээд буй нь хачин санагдах нь мэдээж. Эх сурвалжийн өгүүлснээр тэрбээр нэгэн дотны анддаа “Найз нь тун удахгүй албанаасаа буух нь тодорхой болсон. Амьтан хүн мэдэж, хараа хяналт тавиагүй дээр амжуулах ажил их байна аа” хэмээн аминчлан шивнэснийг хэрэгт дуртай соотон чих сонордоод тарааж орхисныг дамжууллаа.
З.Урсгал Улаанбаатар таймс
Эрдэнэтийн захирал “газардах” бэлтгэлээ хийж эхэлжээ
